Téléchargement PDF
Retour à la liste des contes

ǂKhari ǃKhomros: Wangari Maathais di ǂhôas Une petite graine : l'histoire de Wangari Maathai

Écrit par Nicola Rijsdijk

Illustré par Maya Marshak

Traduit par Maureen Merley So-Oabes

Langue khoïkhoï

Niveau Niveau 3

Lire l’histoire en entier

Vitesse de lecture

Lecture automatique du conte


ǃGaroǃās, ǃgoaǃnāgu Kenia ǃhommi ai, Afrikab ǀApasǀkhab ǃnâs ge ǂkhari ǀgôarosa ǃhanab ǃnâ ǁîs di îs ǀkha gere sîsen. ǁÎs ge Wangari ti ge ǀon hâ i.

Dans un village situé sur les flancs du Mont Kenya en Afrique de l’Est, une petite fille travaillait dans les champs avec sa mère. Son nom était Wangari.


Wangaris ge ǃauga hâsa ge ǀnam i. ǁÎs ǀaokhoen ǃhanab ǃnâs ge ǁgapahaib ǀkha ǃhūba ge re ǂnauǃā. ǂKhari ǃkhomrodes ge ǀgamsa ǃhūb ǃnâ gere ǁgâiǂgā.

Wangari aimait beaucoup être dehors. Dans le potager de sa famille, elle faisait des trous dans le sol avec sa machette. Elle enfouissait des petites graines dans la terre chaude.


ǁÎs ǀō-aisa ǁaeb tsēs dib, ge soresǂgâb khaoǃgâ ge ība. Kaise i gere ǃkhae nē hairode mûsa, os ge Wangarisa ge ǂan i oms ǁga oas ǁaexa i go ǃkhaisa. ǁÎs ge ǂō daorogu, ǃāroga ra ǃgâuse gere oa.

Son moment préféré de la journée était juste après le coucher du soleil. Quand il faisait trop nuit pour voir les plantes, Wangari savait qu’il était l’heure de rentrer à la maison. Pour rentrer, elle devait suivre des sentiers étroits à travers champs et traverser des rivières.


Wangaris ge kaise ge gā-ai i ǀgôasa, tsîs ge ǁkhāti ge ǃâuǁoa i skolǃgûsa. Xawe ra ge ǁîs mamas tsî dadab tsîra ge ǂhâba hâ i hâ tsîs nî ǁgâus ai huira ǃkhaisa. Hû kurixas ge i o, ob ge ǁîs abutiba ǁgûra ge ǁgari îs skolǂgâkaihe.

Wangari était une enfant intelligente et avait hâte d’aller à l’école. Mais sa mère et son père voulaient qu’elle reste à la maison pour les aider. Quand elle eut sept ans, son grand frère persuada ses parents de la laisser aller à l’école.


ǁÎs ge ǁkhāǁkhāsensa ge ǀnam i. Wangaris ge ǃnāǂamsase gere ǁkhāǁkhāsen khomais gere ǂkhanidi ǀkha. ǁÎs ge skoli ǃnâ kaise ǃgâise ge dī ǁkhauǂuisas ge hōs kōse United States Amerikab dis ǃnâ ǁkhāǁkhāsens ǃaroma. Wangaris ge kaise ge ǁkhôasa i. ǁÎs ge ǃnāsase ǃhūbaib xa gere ǂan ǂgao.

Elle aimait apprendre ! Wangari apprenait de plus en plus avec chaque livre qu’elle lisait. Elle travaillait si bien à l’école qu’elle fut invitée à étudier aux Etats Unis d’Amérique. Wangari était enthousiaste ! Elle voulait en savoir plus sur le monde.


Amerikab universitaits tawas ge Wangarisa ǂgui xūna ge ǁkhāǁkhāsen. ǁÎs ge hain xa gere ǁkhāǁkhāsen, tsî ǁîn ra kai ǀgaus xa. Tsîs ge gere ǂâi-oa ǁîs ge kai ǀgausa: ǁîs abutigu ǀkhas gere ǀhuru ǀgausa, îxa haidi somgu Keniab ǃgaroǃhūb di di ǃnâ.

A l’université américaine, Wangari apprit beaucoup de choses nouvelles. Elle étudia les plantes et la manière dont elles grandissent. Et elle se rappela comment elle avait grandi : en jouant avec ses frères à l’ombre des arbres dans les magnifiques forêts du Kenya.


Os ta ǁkhāǁkhāsens kōses ge gere mûǂan Keniab khoenas kaise a ǀnam ǃkhaisa. ǁÎs ge ǂhâba hâ is ge, ǂkhî, tsî ǃnorasasen nî hâsa. ǁKhāǁkhāsen ǃkharus ra khamis ge gere ǂâi-oa, ǁîs Afrikaǁî ǁgâus xa.

Plus elle apprenait, plus elle réalisait qu’elle aimait les habitants du Kenya. Elle voulait qu’ils soient heureux et libres. Plus elle apprenait, plus elle se rappelait son foyer africain.


ǁÎs di ǁkhāǁkhāsendes ge a toa u, os ge Keniaba ǃoa ge oa. Xaweb ge ǁîs ǃhūba ge ǀkhara. Kai ǃgaroǃādi ge ǃhūb ǂhabase khoraǂuisase ge ǁgoe-i. Taradi ge ǀaena ge ūhâ tama hâ-i sâi-ūs dina. Khoen ge ge ǀgâsa i tsîn ge ǀgôana gere ǃâ.

Quand elle eut terminé ses études, elle retourna au Kenya. Mais son pays avait changé. De larges fermes s’étendaient à travers la campagne. Les femmes n’avaient plus de bois pour cuire les aliments. Les gens étaient pauvres et les enfants avaient toujours faim.


Wangaris ge ge ǂan i tare-es nî dī ǃkhaisa. ǁÎs ge tarade ge ǁkhāǁkhā mâti di ǃkhomde xū haide nî ǃīkai ǃkhaisa. Nē taradi ge haide ǁamaxū tsî mari-e gere sîsenū ǁîdi di omaride di nî kōǃgâ-ūse. ǁÎdi ge kaise ge ǂkhî i ǁnās ǂama. Wangaris ge ǁîde ge hui ǀgaisa ǁâǂkhōba ūhâsa tsî ǀgaisase tsâkais ǃnâ.

Wangari savait ce qu’il fallait faire. Elle apprit aux femmes comment planter des arbres en utilisant des graines. Les femmes vendirent les arbres et utilisèrent l’argent pour faire vivre leurs familles. Les femmes étaient très heureuses. Wangari les avait aidées à se sentir puissantes et fortes.


ǁAeb ra ī khami di ge nē ǀasa haide ǃgaroba ge kuruǂui, tsî gu ge ǃāga ge ǃkhoetsoatsoa. Wangaris ǂhôas ge Afrikab ǃnâ ge khoraǂuisen. Nētsē di ge miljun haide Wangaris ǃkhomrode xu ge kai. Wangaris ge kaise ǃgarise gere sîsen. ǃHūbaib ǂhabase hâ khoen hoan ge nēsa ge ǃkhōǃgâ, tsî ǁîsa ǂanǂansa māsa ge mā. ǁNās ge Nobel Peace Prize ti a ǂansa, tsîs ge Wangarisa ge ǂguro Afrikab tarare khoe kai, nē māsa ge ǃkhōǃoasa.

Avec le temps, les nouveaux arbres se transformèrent en forêts, et les rivières recommencèrent à couler. Le message de Wangari traversa toute l’Afrique. Aujourd’hui des millions d’arbres ont grandi grâce aux graines de Wangari.


Wangaris ge 2011ǁî kurib ǃnâ ge ǁō, xawe da ga îxa haide mû ǁaeb hoaba da ge ǁîs xa ra ǂâi.

Wangari avait travaillé dur. Partout dans le monde, les gens s’en aperçurent et lui donnèrent un prix renommé. Il s’appelle le Prix Nobel de la Paix et elle fut la première femme africaine à le recevoir.


Écrit par: Nicola Rijsdijk
Illustré par: Maya Marshak
Traduit par: Maureen Merley So-Oabes
Langue: khoïkhoï
Niveau: Niveau 3
Source: A Tiny Seed: The Story of Wangari Maathai du Livre de contes africains
Licence de Creative Commons
Ce travail est autorisé sous une licence Creative Commons Attribution 4.0 non transposé.
Options
Retour à la liste des contes Téléchargement PDF