蠟做嘅細路仔
好耐好耐之前，有一個好快樂嘅家庭。
班細路仔從來都唔會打交，仲成日喺屋企同埋農田度幫爹哋媽咪做嘢。
但係佢哋唔准靠近火。
佢哋淨係可以喺夜晚黑做嘢。冇計啦，因為佢哋都係用蠟做嘅！
但係其中一個男仔好想出去，感受一下陽光。
有一日，佢終於忍唔住啦。雖然兄弟都警告過佢……
但係已經太遲啦！佢喺炎熱嘅太陽底下融咗。
其他蠟做嘅細路仔見到佢哋嘅兄弟逐漸融化、消失，非常之傷心。
但係佢哋諗出咗一個好辦法：就係將融化咗嗰嚿蠟捻成一隻雀仔。
佢哋將變成雀仔嘅兄弟帶去一座高山上面。
太陽慢慢升起，佢一路迎向晨光唱歌，一路遠走高飛。
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
