蠟仔
好耐好耐之前，有一家人好快樂噉一齊住。
班細路仔從來都唔會打交，仲成日幫手爹地媽咪喺屋企同埋農田度做嘢。
但係佢哋唔准靠近火。
佢哋淨可以喺晚上做嘢。冇計啦，因為佢哋都係用蠟做嘅！
但係其中之一個男仔好想出門，佢想去到太陽底下睇吓。
有一日，佢終於頂唔順啦。雖然兄弟都警告過佢......
但係已經太遲啦！佢喺炎熱嘅太陽底下融化咗。
其他蠟做嘅細路仔見到佢哋嘅兄弟融化消失咗，非常之傷心。
但係佢哋諗出咗一個好辦法：佢哋將熔化咗嗰嚿蠟捻成咗一隻雀仔。
佢哋將變成雀仔嘅兄弟帶到咗一座高山上面。
等到太陽升起上嚟，佢一路迎晨光一路唱歌，就飛走咗。
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
