球星安迪斯瓦
安迪斯瓦好鍾意睇班男仔踢波，佢幾咁希望自己都可以加入佢哋啦！佢走去問教練，自己可唔可以同班男仔一齊訓練。
教練兩隻手叉住條腰，擰晒頭話：“喺呢間學校度，只有男仔先可以踢波㗎。”
班男仔就等安迪斯瓦去玩投球。佢哋覺得，女仔應該玩投球，踢波係男仔嘅運動。安迪斯瓦好唔開心。
第二日，學校中要攪場好大嘅足球比賽。教練就有啲擔心，因為隊中最勁嘅球員病咗，冇辦法上場。
安迪斯瓦走咗去教練嗰便，求吓佢俾次機會自己替補上場。教練仲心大心細，最屘佢決定俾次機會安迪斯瓦試吓。
比賽好激烈，半場結束咗之後，兩隊都冇入球。
比賽嘅下半場，一個男仔傳咗個波俾安迪斯瓦，安迪斯瓦飛咁快對住龍門走去，大力一踢，入咗啦！
全場都癲咗啦！由嗰日開始，女仔就可以喺學校度踢波啦。
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
