山羊、野狗、同水牛
山羊、野狗、同水牛係好朋友嚟㗎。有日，佢哋一齊去坐的士。
當佢哋到咗目的地嘅時候，司機叫佢哋交車飛。水牛俾咗自己嗰份。
野狗冇帶散紙，所以佢就俾多咗少少。
司機正要俾野狗找數，估唔到山羊冇俾錢就走甩咗。
司機好嬲，結果佢冇俾野狗找數就開走咗。
所以，而家呢你可以見到野狗佢見到有車嚟就搏晒命追埋去，因為佢想叫司機俾佢找數。
山羊呢，聽親有車嚟就嚇到趕快逃走，因為佢驚冇交車飛就會俾人捉咗。
但係水牛聽到有車嚟一啲都唔會急。佢好定當噉過馬路，因為佢知道佢已經交好晒車飛。
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
