Ponishment
Wan die mama get a uol iip a fruut.
"Wen wi kyan get som fruut?" we aks ar se. "Wi a go iit di fruut tunait," mama se.
Mi bredda Rayiim krievn. Im tek piis a aal a di fruut dem. Im iit out uol iip a it.
"Luk pon we Rayiim du!" mi likl bredda baal out. "Rayiim naav no biyieva an im selfish," mi se.
Mama beks wid Rayiim.
Aal a wi beks wid Rayiim. Bot Rayiim no sari.
"Yu naa go ponish Rayiim?" mi likl bredda aks.
"Rayiim, yu suuhn sari," mama waan im se.
Rayiim staat fiil sik.
"Mi beli a ort mi," Rayiim bieli se.
Mama nuo se dis did a go apm. Di fruut a ponish Rayiim!
Lieta, Rayiim se sari tu aal a wi. "Mi wi neva bi so krievn agen," im swier se. An aal a wi biliiv im.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
