Taam Di Banaana-Man
Taam a kyari wahn baaskit a raip banaana.
Taam go a maakit fi sel banaana.
Piipl a maakit a bai fruut.
Bot nobadi naa bai Taam Banaana dem. Dem prifa fi bai fruut fram di uman dem.
"Ina fiwi komyuuniti, onggl uman sel fruut," piipl se. "Wa kaina man dis?" piipl aks.
Bot Taam no gi op. Im kaal out, "bai mi swiit raip banaana dem!"
Wahn uman pik op a bonch a banaana fram outa di baaskit. Shi luk pan it gud-gud.
Di uman bai di banaana dem.
Muor piipl kom a di staal. Dem bai Taam banaana dem an nyam dem.
Suuhn, di baaskit empti. Taam kount op di moni we im mek.
Den Taam go bai suop, shuga an bred. Im put di tingz dem ina im baaskit.
Taam balans di baaskit pan im ed an go a im yaad.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
