Wa mek Ipo no av no ier
Wan die, Rabit did a waak nier di riva.
Ipo did de-de tu, a tek taim waak an a nyam som griin graas.
Ipo neva si se Rabit di de-de an step pan Rabit fut bai aksident. Rabit staat baal aaf Ipo an se, "Yu Ipo! Yu no si se yu a step pan mi fut?"
Ipo se sari tu Rabit, "Mi riili sari. Mi neva si yu. Du beg yu paadn!" Bot Rabit udn lisn an im baal aafa Ipo, "Yu dwiit fi spait! Wan die, yu wi si! Yu gwain pie!"
Rabit go luk fi Faiya an tel im se, "Gwaan, bon op Ipo wen shi kom outa di waata fi nyam graas. Shi did step pan mi! Faiya ansa se, "No prablem, Rabit, mi fren. Mi wi du we yu aks."
Lieta, Ipo did a nyam graas faar fram di riva wen, "Wush! Faiya ton inna wan big faiyabaal. Di faiya staat bon aaf Ipo ier.
Ipo staat fi baal an ron go inna di waata. Di faiya bon aaf aal a ar ier dem. Ipo no stap baal, "Mi ier get bon aaf inna di faiya! Aal a mi ier gaan! Mi priti ier!"
Rabit did glad se Ipo ier get bon aaf. An tu dis die, chuu fried fi faiya, Ipo neva stie faar fram waata.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
