بۆچی كەرگەدەن مووی نییە
ڕۆژێكیان كەرویشك بە لیواری ڕووبارەكەدا دەڕۆشت.
كەرگەدەنیش لەوێ بوو. ئەو چوو دەورێكی لێدا و هەندێ گیای سەوزی خوارد.
كەرگەدەن لە بێ بەختانی كەروێشكی لەوێ نەبینی، لەسەر پێی كەرویشك ڕاوەستا. كەروێشك دەستی كرد بە جیقە جیق كردن بەسەر كەرگەدەندا. ئەی كەرگەدەن! ئاگات لێ نییە لە سەر پێی من ڕاوەستاوی؟
كەرگەدەن داوای لێبوردنی لە كەروێشك كرد: ببورە هاوڕێی من، من تۆم نەبینی. تكایە بمبورە! بەڵام كەروێشك كە نەیدەویست گوێ بگرێ، و بە سەر كەرگەدەندا هاواری كرد: تۆ بە ئانقەست وات كرد! ڕۆژێك دەبێ تاوانی ئەم كارەت بدەی! دەبێ سزای ئەم كارەت وەربگری.
كەروێشك ڕۆشت بۆ ئەوەی ئاگر بدۆزێتەوە و پێی ووت: بڕۆ كەرگەدەن بسوتێنە كاتێك لە ئاوەكە دێتە دەرێ بۆ خواردنی گژوگیا. ئەو پێی لەسەر پێم دانا! ئاگر وڵامی دایەوە: هیچ كێشە نییە، كەروێشكی هاوڕێم. من ڕێك ئەو كارە دەكەم كە تۆ داوات لێ كردم.
دواتر، كاتێ كەرگەدەن لەكەنار ڕوبارەكە گژوگیای دەخوارد، لە ناكاو بینی ئاگر هێرشی هێناوە بۆی. ئاگرەكە خێرا تەشەنەی دەكرد. پارچەیەك لە ئاگرەكە مووەكانی كەرگەدەنی سوتاند.
كەرگەدەن گریا و هەڵات بۆ ناو ئاوەكە. هەمو مووەكانی بە هۆی ئاگرەكەوە سوتا. كەرگەدەن گریا: مووەكانم لە ناو ئاگردا سوتان! تۆ هەموو مووەكانمت سوتاند! هەموو مووەكانم لە ناوچوون.
كەروێشك خۆشحاڵ بوو لەوەی موەكانی كەرگەدەن سووتان. لەو ڕۆژەوە كەرگەدەن لە ترسی ئاگر لە ئاوەكە دوور نەكەوتۆتەوە.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
