بڕیاردان
گوندەكەی من كێشەی زۆری هەبوو. ئێمە لە ڕێزێكی گەورە ڕادەوەستاین بۆ ئەوەی لە یەك
شێرە ئاو ببەین
ئێمە چاوەڕێی خواردنمان دەكرد كە خەڵكی دیكە بۆیان دەهێناین.
ئێمە زۆر زوو دەرگای ماڵەكانمان لە ترسی دز دادەخست.
زۆرێك لە مناڵان بێ بەش بوون لە چوونە قوتابخانە.
كچانی لاو دەبوایە وەكوو خزمەتكار لە گوندەكانی دیكە كاریان كردبا.
كوڕانی لاو لە دەوری گوندەكە بێكار دەسووڕانەوە، لە كاتێكدا خەڵكانی دیكە لە سەر زەوی و زاری خەڵكی دیكە كاریان دەكرد.
كاتێك با هەڵی دەكرد، كاغەزی فڕێدارو بە درەختەكان و پەرژینەكانەوە گیری دەكرد.
خەڵك پێیان بریندار دەبوو بە هۆی ئەو شوشانەوە كە فڕێ دەدرانە سەر جادەكان.
ڕۆژێك شێرەی ئاوەكە ووشكی كرد و دەبەی ئاوەكان بە بەتاڵی مانەوە.
باوكم ماڵ بە ماڵ دەگەڕا بۆ ئەوەی بە خەڵك بڵێ بێن لە كۆبوونەوە بەشداربن.
خەڵك لە ژێر درەختێكی گەورە كۆبوونەوە و گوێیان دەگرت.
باوكم هەستا و ووتی: ئێمە دەبێ یارمەتی یەكتر بدەین بۆ ئەوەی كێشەكانمان چارەسەر بكەین.
جومای هەشت ساڵە كە لە سەر قەدی درەختەكە دانیشتبوو، هاواری كرد: من دەتوانم زبڵەكان كۆ بكەمەوە.
ژنێك ووتی: ژنەكان دەتوانن لە گەڵ من بێن بۆ ئەوەی دانەوێڵە بچێنین.
پیاوێكی دیكە هەستا و ووتی: پیاوەكان دەتوانن بیرێك لێ بدەن.
ئێمە هەموومان بە یەك دەنگ هاوارمان كرد: ئێمە دەبێ ژیانمان بگۆڕین. لەو ڕۆژەوە ئێمە یارمەتی یەكترمان دا بۆ ئەوەی كێشەكانمان چارەسەر بكەین.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
