Guot, Daag an Kou
Guot, Daag an Kou a did gud fren. Wan die dem go pan a jorni ina a taksi.
Wen dem riich di en a dem jorni, di jraiva aks dem fi pie dem fier. Kou pie fi ar fier.
Daag did pie a likl ekstra, kaaz im neva av di rait moni.
Di jraiva did a go gi Daag im chienj wen Guot ronwe an no pie notn.
Di jraiva did wel beks. Im jraiv we an no gi Daag im chienj.
Das wai, iivn tu dis die, Daag ron aafa kyar fi si ef im kyan fain di jraiva uu uo im, im chienj.
Guot ronwe fram di soun a kyar. Shi fried shi a go get lak op fi no pie ar fier.
An Kou no bizniz wen kyar a kom. Kou tek ar taim a kraas di ruod kaa shi nuo se shi pie aal a ar fier.
This story is brought to you by the Global African Storybook Project, an effort to translate the stories of the African Storybook Project into all the languages of the world.
You can view the original story on the ASP website here
