喺水邊，有一隻大笨象。
佢好口渴，慢慢噉行緊去飲水。
有其他動物都喺度飲緊水喎。
原來係長頸鹿嚟，佢哋條頸好長。
你數唔數到呢度有幾多隻長頸鹿？係兩隻啊。
呢度有三隻好大嘅動物，佢哋叫水牛。
呢度仲有四隻白雪雪嘅雀仔，全部都去緊飲水。
好多動物都走嚟飲水喎。你數唔數到有咩？
有五隻羚羊，同六隻野豬啊。
好多斑馬跑過嚟飲水，有七隻咁多啊！
斑馬跑得好快，踢到啲沙都飛起晒。
有啲動物會住喺水入面㗎。
睇下，而家就有八隻青蛙同九條魚喺度。
有隻獅子喺度大叫。 佢都好想飲水。
你知唔知道邊啲動物會驚獅子？
原來長頸鹿、水牛、羚羊、野豬、斑馬都驚獅子㗎！
驚獅子嘅動物都走晒喇，得番大笨象同雀仔留低。
佢哋唔驚獅子，同獅子一齊飲緊水。
青蛙同魚就繼續喺水入面。
小朋友，不如數下而家有幾多隻動物吖！
