今日天氣好好，最啱出去玩。我同朋友仔坐晒喺度。
有啲乜嘢玩？呢度有石頭。
試下拋高啲石頭，然後用隻手接返住佢哋吖。
呢度有大樹。有人喺樹上面整咗個韆鞦。
不如打韆鞦吖！我坐上韆鞦度，你喺後面推我。
我一路玩一路叫：「好嘢！我飛緊噉啊！」
不過玩嗰陣都要小心，唔好發生意外喎！
我細妹攞咗條繩出嚟，佢最叻係跳繩。
我同小花拎住條繩，一人拎住一邊。
細妹開始跳喇。「一、二、三、四、五、六、七、八、九、十……」
細妹跳到好多下，個個都話佢叻。
同多啲人一齊玩，會開心啲㗎！
我叫我細佬出嚟玩，唔好留喺屋企。
細佬鍾意瀡滑梯，一路瀡一路叫：「好嘢！我飛緊噉啊！」
不過玩嗰陣都要小心，唔好發生意外喎！
有冇人想同我一齊玩啊？我返入屋，叫家姐出嚟玩。
家姐問我：「噉玩啲咩好先？」
我答佢：「你出到去就有好多嘢玩㗎喇！」
而家有好多人。最啱玩捉伊人。
邊個做捉人嗰個？猜過先知！嚟啦，我哋猜啦！
大家鍾意玩乜就玩乜。
你鍾意打韆鞦就打韆鞦，佢鍾意跳繩就跳繩。
自己一個人玩咩好啊？
試下自己同自己踢波吖！都一樣好好玩㗎！
