返回故事列表
奧東哥、阿皮尤同佢哋嘅爹哋一齊住喺城市度。佢哋非常之期待過暑假，唔單止因為唔使返學，仲可以去探嫲嫲添。佢哋嘅嫲嫲住喺漁村，隔籬有個好大嘅湖。
欧东格、阿皮尤和他们的爸爸一起生活在城市里。他们非常期待过暑假，因为那个时候他们不用去学校，而且他们还可以去看奶奶。他们的奶奶住在一个渔村里，靠近一片很大的湖泊。
奧東哥同阿皮尤好開心就快有得去探嫲嫲。前一晚，佢哋執好自己嘅行李，準備去漁村嘅旅程。佢哋成晚都瞓唔著，討論暑期大計。
欧东格和阿皮尤又要去看奶奶了，他们非常高兴。前一天晚上，他们整理好了自己的行装，准备踏上前往渔村的旅程。他们晚上睡不着，整晚都在讨论这个暑假。
第二日凌晨，佢哋坐住爹哋嘅車出發去漁村。一路上見到高山、野生動物，仲有幾個茶園添。想消磨時間嘅話，佢哋就唱歌同埋數吓路上嘅車。
第二天凌晨，他们坐着爸爸的车前往那个渔村。他们开过了山丘，路上看到了很多野生动物，经过了几个茶园。他们唱着歌数着路上的车辆。
過咗一排，啲細蚊仔都好癐，就喺車度瞓著咗。
过了一会儿，孩子们累了，就在车里睡着了。
當佢哋到達條漁村嘅時候，爹哋將奧東哥同阿皮尤叫醒咗。佢哋發現佢哋嘅嫲嫲——尼亞·琴亞達——喺樹蔭度鋪咗塊蓆嚟休息。喺當地嘅語言入面，呢個名字嘅意思係「琴亞達人民個女」。佢係一個堅強兼美麗嘅女人。
当他们到达那个渔村的时候，爸爸把欧东格和阿皮尤叫醒了。他们发现他们的奶奶——尼亚·坎亚达——在树荫里铺了一块垫子，正坐在上面休息。在当地的语言里，这个名字的意思是“坎亚达人民的女儿”。她是一个坚强美丽的女性。
尼亞·琴亞達歡迎佢哋嚟到自己屋企，一齊好快樂噉唱歌跳舞。佢兩個孫仔亦都好高興噉將由城市買嚟嘅禮物送俾佢。奧東哥同阿皮尤爭住要嫲嫲打開自己嘅禮物先。
尼亚·坎亚达欢迎他们来到自己的家里，和他们一起快乐地唱歌跳舞。他们的孙子也很高兴地把他们在城里买的礼物送给她。欧东格和阿皮尤吵着要奶奶先打开自己的礼物。
尼亞·琴亞達打開咗禮物之後，用傳統嘅習俗祝福佢兩個孫仔。
尼亚·坎亚达打开了礼物后，用传统的习俗祝福了她的孙儿们。
奧東哥同阿皮尤走出去玩吓，喺外便追住蝴蝶同雀仔。
欧东格和阿皮尤跑出去玩儿了，他们追着蝴蝶和鸟儿，在它们后面跑。
佢哋仲爬樹，跳入湖水，瀄起咗好多水花。
他们还爬树，跳进湖里，溅起了很多水花。
天黑咗之後，佢哋返嫲嫲屋企度食晚飯，但佢哋太癐嘞，仲未食完，就瞓著咗。
天黑了，他们回到奶奶的家里吃晚饭，但他们太累了，还没吃完，就睡着了。
第二日，爹哋開車返城市，兩個細蚊仔就留俾嫲嫲照顧。
第二天，爸爸开车回城了，把孩子们留给奶奶。
奧東哥同阿皮尤幫嫲嫲手做家頭細務。佢哋幫嫲嫲打水，攞柴。佢哋仲幫嫲嫲由雞竇入面攞返啲雞蛋，同埋喺花園度摘蔬菜。
欧东格和阿皮尤帮助奶奶做家务。他们帮奶奶拎水，运柴。他们还帮奶奶从鸡窝里拿鸡蛋，在花园里摘蔬菜。
尼亞·琴亞達教佢哋煮烏咖喱粟米粥，仲教佢哋點做送燒魚嘅椰子飯。
尼亚·坎亚达教他们煮乌咖喱，还教他们怎么做和烤鱼一起吃的椰子饭。
一日朝頭早，奧東哥幫嫲嫲去到牧場放牛，但係班牛就跑到隔籬農場度，農夫好嬲，就威脅奧東哥話，要沒收呢啲牛賠返食咗嘅莊稼。由嗰日之後，奧東哥好小心，唔想再俾呢啲牛搞出事喇。
一天早上，欧东格帮奶奶去牧场上放牛，但是牛跑到了邻居的农场上，邻居很生气，威胁欧东格说，要没收了这些牛作为踩坏粮食的赔偿。从那天以后，欧东格很小心，不想再让这些牛惹麻烦了。
有一日，班孫仔同尼亞·琴亞達一齊去市集度。嫲嫲有一個賣蔬菜、砂糖同番梘嘅檔位。阿皮尤好鍾意向客仔報價，奧東哥就負責幫客仔打包。
有一天，孩子们和尼亚·坎亚达一起去集市上。奶奶有一个卖蔬菜、糖和肥皂的摊位。阿皮尤给顾客们报价钱，欧东格帮着顾客打包。
大家收咗工之後，佢哋坐埋一齊飲奶茶，幫嫲嫲計吓今日賺到嘅錢。
这天的工作结束后，他们坐在一起喝茶，帮奶奶数了数这天赚到的钱。
但係假期好快就結束啦，班細蚊仔要返城市嘞。尼亞·琴亞達送咗頂帽仔俾奧東哥，又送件冷衫俾阿皮尤。佢幫班細蚊仔包咗啲嘢喺路上食。
很快，假期就结束了，孩子们要回城了。尼亚·坎亚达送给欧东格一顶帽子，送给阿皮尤一件毛衣。她帮孩子们装了点食物在路上吃。
當爹哋嚟接佢哋嘅時候，佢哋一啲都唔想走。班細蚊仔噅住要尼亞·琴亞達同佢哋一齊返去城市。但係佢笑住話：「我太老啦，唔適合住喺大城市度。我就喺呢條村度等你哋，等你哋下次再嚟啦。」
当爸爸来接他们的时候，他们一点儿都不想走。孩子们求尼亚·坎亚达和他们一起去城里。她笑着说：“我太老了，不适合住在大城市里。我就在这个村子里面等你们，等你们下次再来。”
奧東哥同阿皮尤就緊緊抱住佢，同佢講拜拜。
欧东格和阿皮尤紧紧地抱着她，跟她告别。
當奧東哥同阿皮尤返到學校時，佢哋將喺條村度生活嘅事講咗俾班同學聽。有啲人覺得城市嘅生活好唔錯，另外仲有啲人覺得鄉下嘅生活更加好。最緊要嘅係，每個人都相信奧東哥同阿皮尤嘅嫲嫲真係好到冇得頂呀！
当欧东格和阿皮尤回到学校时，他们把村子里的生活告诉了伙伴们。一些人觉得城市生活很不错，另一些人觉得乡村生活更好。最重要的是，每个人都相信欧东格和阿皮尤的奶奶太棒啦！
作者: Violet Otieno
插图: Catherine Groenewald
译文: dohliam
配音: Zoe Lam
