返回故事列表
有個女仔最先發現遠處有個好奇怪嘅影喺度。
有个女孩最先发现了远处有个奇怪的身影。
嗰個影越嚟越近，佢終於睇清楚咗嘞，係一個就快要生仔嘅女人。
那个身影越靠越近，她看清楚了，那是一个快生孩子的妇女。
個女仔有啲怕醜，但佢都係好勇敢噉樣走上前。同女仔隨行嘅人就話：「我哋一定要同佢一齊，一定要保護佢同埋佢個仔。」
女孩有点儿害羞，但她还是勇敢地走上前去。和女孩随行的人们说：“我们必须和她呆在一起，我们必须保护她和她的孩子。”
個仔好快就要出世㗎嘞。「大力啲吖！」「快啲攞條毛氈嚟！」「水！」「再大力啲！」
孩子很快就要降生了。“用力啊！”“快拿毯子来！”“水！”“再用点力！”
當佢哋見到個仔嘅時候，所有人都嚇咗一跳，「一隻驢仔？」
当他们看到孩子时，所有人都吓了一跳，“一头驴？”
大家七嘴八舌噉嘈起上嚟。佢哋就話：「我哋講過要保護呢個媽咪同細蚊仔嘅，講得出就要做得到。」但係仲有啲人就話：「但係佢哋會佗衰我哋㗎。」
大家七嘴八舌吵起来。一些人说：“我们说过要保护母亲和孩子的，我们必须这样做。”但是还有一些人反驳说：“但是他们会给我们带来厄运。”
個女人發現自己又係孤零零一個人嘞。佢唔知道點湊個咁怪嘅仔，亦都唔知道自己應該點算。
妇女发现自己又孤零零一人了。她不知道该拿这个奇怪的孩子怎么办，她也不知道自己该怎么办。
最屘，佢決定接受呢個仔，做佢嘅媽咪。
最后，她决定接受这个孩子，做他的妈妈。
如果個仔一直都係咁細，唔會長大嘅話，所有嘢都會易話為啲。但係隻驢仔越長越大，再唔能夠俾媽咪孭住喺背脊上面。無論佢幾努力，始終模仿唔到人類嘅行為。佢媽咪經常會覺得又癐又𤷪。有時，佢仲會叫佢做埋啲動物先至會做嘅粗重嘢。
如果这个孩子一直这般大小，不长大的话，一切都会变得不一样。但是这个驴孩子越长越大，现在他再也不能趴在妈妈的背上。无论他多么努力，他始终不能像人类一样。他的妈妈累了，放弃了。有时候，她让他做一些动物会做的工作。
驢仔覺得好迷茫，又好勞氣。成日呢樣又唔得，嗰樣又唔得。有一日，佢大發雷霆，一腳就踢佢媽咪落地下。
驴孩子感到迷茫，也很生气。他这个也不能做，那个也不能做。他不能这样，也不能那样。有一天，他太生气了，一脚把他的妈妈踹到地上。
驢仔覺得好羞家，唯有離家出走，走得越遠越好。
驴孩子羞愧极了，他逃跑了，跑得越远越好。
當佢停低落嚟嘅時候呢，天都已經黑晒，驢仔蕩失路嘞。佢喺暗黑中「哼哼」聲叫住，暗黑中傳返嚟回聲，「哼哼」。佢孤零零一支公，卷成咗一團，心中充滿煩惱，就淰淰噉瞓著咗。
当他停下来的时候，天已经黑了，驴孩子迷路了。他在黑暗里哼哼，“咴咴”，黑暗中传来了回声，“咴咴”。他孤零零的一个人，卷成了一团，心中充满烦恼，沉沉地睡去。
驢仔醒返嚟就發現有個老人耷低頭望住佢。佢睇住老人對眼，感覺到一絲希望。
驴孩子醒了，他发现有个老人低头盯着他。他看着老人的眼睛，感觉到了一丝希望。
驢仔同老人一齊住，老人教識咗佢好多生存嘅本領。驢仔認真聽住老人，學得好快。老人亦都學到咗好多嘢。佢哋互相幫助，遇到開心嘅事就一齊哈哈大笑。
驴孩子和老人住在一起，老人教会他很多生存的本领。驴孩子认真地听着，学得很快。老人也学了很多。他们互相帮助，遇到开心的事情就一起哈哈大笑。
一日朝頭早，老人叫驢仔帶佢去山頂上面。
一天早上，老人让驴孩子带他到山顶。
佢哋登上山頂，環繞喺雲霧中，瞓著咗。驢仔發夢見到佢媽咪病咗，正喺度叫佢，然之後佢就醒咗……
他们登上山顶，环绕在云雾中，睡着了。驴孩子梦到他的妈妈生病了，正在呼唤他，然后他就醒了……
……雲霧消失咗，佢嘅朋友—嗰個老人—亦都消失咗。
……云雾消失了，他的朋友——那个老人——也消失了。
驢仔終於知道佢要點做嘞。
驴孩子终于知道要做什么了。
驢仔搵到佢嘅媽咪，佢孤零零一個人，正喺度為佢走失嘅仔仔而傷心。佢哋凝望住對方好耐，然之後緊緊噉擁抱。
驴孩子找到了他的妈妈，她孤零零一个人，正在为走失的孩子伤心。他们互相打量了很久，然后紧紧地抱在了一起。
驢仔同媽咪一齊住，慢慢長大，仲學識咗點樣共同生活。慢慢，其他家庭亦都搬咗嚟佢哋左近，住咗落嚟。
驴孩子和妈妈住在一起，慢慢长大，学会了如何共同生活。渐渐的，其他的家庭也搬到他们附近，住了下来。
作者: Lindiwe Matshikiza
插图: Meghan Judge
译文: dohliam
配音: Zoe Lam
