返回故事列表

Kamarofu ka Kuukhu 奶奶的香蕉

Ursula Nafula

Catherine Groenewald

Cornelius Wekunya

马萨巴语

4级

本故事尚未有语音版。

Inimilo ya Kuukhu yaba yiyaangisa, abe yaayitsulamo kamaheemba, buulo, ni mwooko. Ne shishafuurira ilala buulayi mu byoosi yaba kamatoore. Abe yakhaba nga Kuukhu aaba ni babetsukhulu baakali, ne mu shimoonyo busa naamanya ndi ise niye isi aafuura khuukana. Niye aanaangatsaka mu ntsu yeewe busheele, waamboolelakho bimoonyo bye mukari. Ne aaramisayo shimoonyo shitweela sheesi aakhamboolelakho ta: eena isi arobesela kamarofu.

奶奶有一座美丽的大花园，里面种满了高粱，杂谷和木薯，但里面最棒的是香蕉。奶奶虽然有很多孙子孙女，但我心里知道她最喜欢我。她常常邀请我去她家，告诉我一些小秘密。但是有一个秘密，她从来没有告诉我，那就是她催熟香蕉的办法。

Shifukhu shitweela, nabona kumuyayi, nga baakureere mu muumu ibulafu khu ntsu ya Kuukhu. Nga namureeba sheesi kumuyayi kukhola, niye aantsilamo busa ari, “Kuli kumuyayi kwase namakaanga.” Andulo e kumuyayi, aabawo kamaru mafwiiti kari, keesi Kuukhu ekhala ayuusayuusa. Bubwayaayi bwamaamba naamureeba ndi, “Kuukhu, kamaru kano kaashi?”Niye aantsilamo busa ari, “Kali kamaru kaase namakaanga.”

有一天，我看到奶奶在门外放了一个巨大的麦秆编成的篮子。我问奶奶这是做什么的，奶奶却只说：“这是我的神秘篮子。”篮子旁边放了几片香蕉叶子，奶奶把叶子来回翻动。我很好奇，问奶奶：“这些叶子是做什么的？”奶奶却只说：“这是我的神秘叶子。”

Ise shaantsikhoyesa naabi khuubona Kuukhu, kamarofu, kamaru ni kumuyayi. Ne Kuukhu ndi wandumana wa maayi wase. Nase naamuloma ndi, “Kuukhu ndekhe imbone nga n’uuli khuukhola…” Kila Kuukhuwe amwiilamo ari, “Mwaanawe, ukhaba umumiinyi ta, khola nga niindi khuukhulomela.”Indyo naatsya butima.

我好奇地看着奶奶，香蕉，香蕉叶子还有那个巨大的麦秆编成的篮子。但奶奶却把我打发到妈妈那儿跑腿。我求奶奶：“让我留下来看一看吧！”奶奶却坚持说：“别固执了，按我说的去做。”我只好跑开了。

Nga ni nakobola, nanyoola Kuukhu nga wekhaale khu lwaanyi ne nga mbaawo kumuyayi, namwe kamarofu ta. Nase naamureeba ndi, “Kuukhu, kumuyayi kuli waheena, kamarofu koosi kali waheena, naluundi waheena…?” Ne sheesi Kuukhu aantsilamo shonyene ari, “Bili mu shifwo shase namakaanga.” Shaakhalasa naabi.

当我回来的时候，奶奶正坐在外面休息，但是篮子和香蕉都不见了！我问奶奶：“篮子去哪儿了？香蕉去哪儿了？还有那些……”奶奶却说：“它们都在一个神秘的地方。”我太沮丧了！

Lwanyuma lwe bifukhu bibili, Kuukhu aanduma khuutsya khumureerera kumusyeendo kweewe, khukhwaama mu shiseenge sheewe. Khaangu nga indikuule lulwiitsi, luulukhu lwe kamarofu lwaantsakaanila. Mu shiseenge she mukari nimwo mweesi Kuukhu aaba waabisile kumuyayi namakaanga kumuboofu, waakubiimbilila buulayi busa ni ibulangiti ikhale. Ise naabera ibulangiti naawunyila luulukhu lulukhongelesa.

过了两天，奶奶让我从她的卧室拿拐杖给她。我一打开门，就闻到了熟香蕉的味道。原来奶奶的神秘篮子就放在卧室里！它上面盖了一条旧毯子，我掀起毯子，使劲地闻着那香味。

Likono lya Kuukhu lyanendekulusa, nga alaanga ari, “Uli khuukhola shiina? Yuubakho undeerere kumusyeendo.” Nase naarura khaangu ni kumusyeendo. Kuukhu wandeeba ari, “Uli khuumuunamuunila shiina?” Shireebo sheewe shaakila nakhebulila nga naba indi khuumuunamuuna khulwe khufuumbula shiifwo sha Kuukhu sha namakaanga.

奶奶喊我的时候，我吓了一跳：“你在做什么？快把我的拐杖拿来。”我赶紧把拐杖拿出去给奶奶。奶奶看着我，问：“你在笑什么？”我这才意识到，我还在因为发现了这个神奇的秘密窃笑着。

Shifukhu shisheelakho, nga Kuukhu eetsa khuukyeniyila maayi wase, naatimaka mu ntsu yeewe khuuyama khu marofu luundi. Yabamwo litoore lye kamarofu kakanuunukhiile ilala. Naasasulakho litweela naalibisa mu shitweeya shaase. Lwanyuma lwe khuubiimba khu muyayi luundi, naatsya inyuma we ntsu naalilyaka khaangu. Lirofu ilyo nilyo lilyafuurisakho khun’gaaha khukhwaama nga ye ndyaatsaka khu marofu.

第二天，奶奶来看我妈妈，我又跑到奶奶家去偷看那些熟香蕉。有一把香蕉已经非常熟了。我采了一根香蕉，把它藏在我的裙子里。我小心地盖好篮子，跑到房子后面，偷偷地把香蕉吃了：这是我吃过的最美味的香蕉！

Shifukhu shishaloondakho nga Kuukhu ali mu nimilo ibuumbi aaha tsinyanyi, namolokha neepa mu ntsu nekheenga khu marofu. Aambi koosi kaaba kaarobile. Nga sinyala nekhaliilikha khuuyila shisasi she tsimuunga tsine ta. Ne ni naba nga isoota khuutsya imulyaango, naawulila kuukhu akhololela ibulafu. Naanyalisa busa khuubisa kamarofu mu shitweeya shase, naakeenda naamubirakho.

第二天，我趁奶奶在花园里摘蔬菜的时候，偷偷跑进房间，去看那些香蕉，香蕉差不多全都熟了。我禁不住诱惑，拿了四根香蕉。我踮起脚离开房间，听到奶奶在咳嗽。我把香蕉藏在裙子下面，若无其事地走开了。

Shifukhu ndi shisheelakho shaba she likaantso. Kuukhu eenyukha tikhinyi. Busheele aayilatsaka kamarofu ni mwooko khuukulisa mwikaantso. Sinatimilakho khuumukyenilakho khu shifukhu isho ta. Ne nga abe siinyala khuumutatayila imbuka ndeeyi ta.

第二天是奶奶赶集的日子。奶奶很早就醒来了，她把成熟的香蕉和木薯运到集市上去卖。我那天没有急着去看她，但我知道，我不可能永远躲着奶奶。

Lwanyumakho angoloobe khu shifukhu sheene isho, nga maayi, ni paapa banaanga. Ise namanya lwashiina. Shiilo isho, nga ingona, namanya ndi sindiilakho luundi khukhwiiba ta, khukhwaama khu kuukhu, khukhwaama khu basaali baase, ni khufuurira ilala khukhwaama khu muundu yeesi.

那天傍晚，我被爸爸、妈妈和奶奶叫过去。我知道他们为什么找我。那天晚上，当我上床睡觉的时候，我知道我再也不会偷东西了，不偷奶奶的，不偷爸妈的，不从任何人那里偷东西。

作者: Ursula Nafula

插图: Catherine Groenewald

译文: Cornelius Wekunya

语言: 马萨巴语

级别: 4级

出处: 原文来自非洲故事书的Grandma's bananas

共享创意授权条款

本着作系采用共享创意署名 3.0 未本地化版本授权条款授权。

读多啲4级故事:

Intsilihaasa iy’omwoolesi we bubuukhi

选项

返回故事列表