Andiswa gharorere hangaghu hanakupepa pari ghokuthita. Aye gharumbere kukupakerera nawo mukupepa. Aye gharombire kwamukuru ghothipani ngeshi kukona ghakudeghure nawo.
安迪斯瓦喜欢看男孩子们踢足球，她多么希望自己也能加入他们啊！她跑去问教练，自己能不能跟男孩们一起训练。
Mukuru ghothipani ghaturire moko ghendi mumbunda. “Pano pashure ne, hangaghu ngenyu hatawedheriwa kupepa pari ghokuthita,” dyoghaghambire.
教练两手叉着腰，摇了摇头说：“在这个学校，只有男孩们能踢足球。”
Hangaghu hamutongwerire eshi ghakapepe pari ghokuyanga. Awo haghambire eshi pari ghokuyanga ne wawashengeteya nopari ghokuthita ne wawangaghu. Andiswa ghakashire.
男孩们让安迪斯瓦去玩投球。他们觉得，女孩们应该玩儿投球，足球是男孩们的运动。安迪斯瓦很沮丧。
Diyuwa dyokurandako, shure dhakarire nomutangu ghoghukuru ghopari ghokuthita. Mukuru ghothipani ghakudhekere yoyishi mupepi wendi ghumweya ‘yu ghakurupere ne ghakorwire nombadi ghakonine kupepa.
第二天，学校里要举行一场盛大的足球比赛。教练有点儿担心，因为队里最棒的球员生病了，没法上场。
Andiswa ghatjirere kwamukuru ghothipani nokamukanderera eshi ghamuthighe ghapepe. Mukuru ghothipani mbadi ghadimukire eyi shoghatende. Munyima poghatokorire eshi Andiswa kukona ghengene muthipani.
安迪斯瓦跑到教练那里，求他让自己替补上场。教练犹豫不决，最后他决定让安迪斯瓦试一试。
Mutangu wakarire ukukutu. Mbadiko owa hengenekire paruvedhe rodihenda.
比赛很激烈，半场结束后，两队都没有进球。
Mudihenda dyoghuwadi mumutangu, mungaghu ghumweya ghatambekire pari kwaAndiswa. Ghatjirere wangu pepi nodighundhi. Ghathitire pari nongcamu noghengenekire.
比赛的下半场，一个男孩把球传给安迪斯瓦，安迪斯瓦飞快地朝球门跑去，用力一踢，球进了！
Mbunga dhashoghererire muyishamberera. Kutunda diyuwa diya, hakamadighana nawo hawatawedherire kupepa pari ghokuthita pashure.
人群沸腾了！从那天开始，女孩们也可以在学校踢足球了。
