Goaq nǀui khukhudi sa ǁAoha koh o ǂarasi. Sa koh ǁau ku ǃxoana ǀxoa tzama gesin si nǀuia koh ku nǃom koara.
很久很久以前，母鸡和老鹰是好朋友。他们和其他的鸟儿住在一起，相安无事，但是他们都不会飞。
ǀAm nǀui, dshau tci ooasi koh gea nǃore nǃang. ǁAoha ku ǂ’aun nǂaoh nǂau koa nǃobe ǂxan ka ho ‘msi. Ka nǃobe ǁ’huin ka ce. “Ka ǂ’aun ka ǂ’ang nǀuia soah he o ǃau nǁo ma ge!” ǁAoha koe nǁae.
Gǀu nǀuia gǃuh koh nǃobe nǀ’ang, khukhudi ho ǂ’ang nǀuia nǃobe jan. Ha coacoa te ku ǂ’an nǁo ǃkuisa o ha tzama ǂara gesin gasi sa koh taqm nǁo. “Kxoe nǀang mǃa gǃai ǁaoa ka ko mǃa ǃkuisi ǁ’ahsi,” ha koe nǁae. “Khoe nǀui ka ku gǀea hui ko ǃau nǁo.”
ǁAoha nǀe’esi hi kxaea naqni ko ǁ’a tjuǀhoa, te kahin ha ku ǂ’an ka coacoa gǃai. Ha du ǀ’an ha ǀ’ae ko nǃabu tsan sa ǀohm te tsau te nǃoma khukhudi ǁ’ansi. Khukhudi ǀxobe naqni te tia nǃoa ǁ’huian gǃai. Ha nǁah naqni ko kas ǃ’o te ua kombi ǁ’a ha u toto ǀ’an da’abi ko ‘msi.
Te tzama gesin ho tca ǁAoha ku oo nǃom ua. Siǃa gǂara naqni ko khukhudi ǁ’a si xabe gǃai ǀ’an si ǀ’aesi ko nǃabu gesin. Te nǃosi ǁ’aka tzama kua gǃain nǀa’an te nǃom nǁo.
Ka tzama o toansi ku tani ce naqni, khukhudi koara. Te ha da’abisi gu naqni te coa te kui ǀxoa. Ka siǃa toan ǀxoa ǁ’a kui tsima, siǃa sin nǁah naqni ko kxaǀho.
Koh ka ǀam gǁore, ǁAoha ce. Ha tsitsa’a tu naqni ǁ’a ha gǃai ǁao ce ǃkui sa koh khoara ko ǁ’aea toa ha koh ku nǃom nǁo. Khukhudi kxoa naqni ko kas ǃ’o. Ha kxoa ha ko kombi nǃang. Ha kxoa ha ko darah nǃang. Te khoe nǀuia ha hoa naqni koara.
“Sin na ǀam nǃang,” Khukhudi koe ǀxom ǁAoha. “Nǀang a ce gǃai a nǃabusi nǀang kxoa nǁo ‘msi.” “Ka ǀam nǀui ce ku ǁua.” ǁAoha koe nǁ’ae. “Ka a ǀoa ho naqni, a ku na a da’ama nǀe’e ko ǀxao kxama.”
ǀAma ǁua he ǁAoha ce tsi gǃa, ha ho tca khukhudi te ge ku nǂaqri kxa, te naqni koara. Te ǁAoha kua nǃom khauru tca nǃo te gu khukhuma nǀui. Ha ǁ’ae ha te u ǀxoa ha. Te ǁohma ǁ’a ǁ’ae hin toa, ka ǁAoha ku tsi, ha ho ka khukhudi ku nǂaqri kxoa naqni ko kxa ǃka.
Ka ǃharia o ǁAoha nǃobusi ga ku hoa ka ǀ’ae ko kxaǀoh, khukhudi nǂai ǀkuri ha da’abisi. “Gǃaia koa toa nǀang tsia kxa ǃxau.” Te siǃa ǁoaq ha. “Eǃa m ǀoa o nǁuhnsi. Eǃa ku ǃaah.”
