Tjuǀho ma gea nǃom ǂahma nǃang ko Kenya Afrika ǁ’Haitzi. Dshauma nǂhao ǀxoa ha taqe ko tzi. Ha ǃu koh o Wangari.
在东非肯尼亚山的山腰上，有一座小村庄，村庄里有一个小女孩和妈妈一起在田里劳作，这个女孩叫旺加里。
Wangari koh kaice are ku oa tzi. Ha juasi ‘msi ǁxara nǃang ha du soahn ǀxoa kxa ko katana. Ha ǂ’huin ǀ’ua ǁa’a ma tzema ko kxa khuisi.
旺加里很喜欢呆在户外。在她家的农田里，旺加里用弯刀劈开土地，把小种子播撒到温暖的泥土里。
ǁ’A’ea ha koh kaice area ǀam nǃang koh sin o ǁ’ae to’a he ǀam nǂ hao, ko ǁ’aea to’a he khoe ka jo he ju ǀoa ǁau se ǃaihnsi, Wangari koh ǃ’han tca ka te o ǁ’aea o tjuǀhoa ua. Ha ka ǃkan nǃama ma ka ǁxari gǀuisi, ka sin ǁae ǀxoa ǃxom ka ǂaun.
Wangari koh o da’ama koh kaice kxae ǂ’ang te sin nǃo’o ǀ’an skore ua. Te ha ba sa ha taqe koh kare ka ha cinniha gea tjuǀho he hui sa. ǁ’Aea ha kurisi o seve, ha ǃo nǃa’an gǃaqari ha taqe sa ha ba ǁ’a kxoe he ha ua skore.
Ha are nǃaroh! Wangari ku nǃaroh tca gǀaoh ko ǂxanu wece sa ha nǁaqara. Ha koh kaice du tca jan ko nǃarohsi te kahin ha ǃ’au ha ǀ’ae ǁ’a ha u nǃaroha United States of America. Wangari ǃka tsau! Te ha kare ǁau ǃ’han kxaǀho ko nǃore nǃang.
Ko University he o America Wangari nǃaroh tci zesin sa ǂhai. Ha nǃaroh ǃaihnsi kosin tca ka oo ǃ’ama. Te sin ǂ’ang tca ha oo ǃ’ama: kuisa ha kosin ha ǃosin koh oo kuia ǃaihn ǃharisi ko Kenyan gǃuiasi.
Tca ha ku oo nǃaroh ua, ha ku oo ǂ’ang ce ua tca ha oo are Kenya juasi. Ha kare ka si ge tca jan he koqe. Ko tcin to’a he ha oo nǃaroh ua, o tca ha oo ǂ’ang ce ua ha tjuǀho Afrika.
ǁ’Aea ha nǃaroh toan, ha ce ua Kenya. Te tia ha nǃore mani. Farama sa ǃaea ǁa’ike gea ha kxaǀho. Dshausi ǁa’ike ǀoa nǃo’o ka ho da’a ko ka si ǃhu. Ju ka gǁahkhoesi te da’abi ku nǁum ǃ’an.
Wangari ǃ’han tca ha du. Ha nǃaroha dshausi ko tca ju o ǁxara ǃaihn ǁa’asi. Dshausi nǂai ǁ’ama ǃaihnsi ka ho mari sa si nǂai ǀxoa si juasi. Te kahin dshau nǀui waqnhe kxae ǃka nǀ’ang. Wangari hui siǃa nǀa’ng kxoe siǃa xabe kxae ta’amsa o tca siǃa te kxae gǀaoh.
Te ka ǁ’aesi ǂaun, ǃaihn zesin gǃa’ia gǃaihn gǃu, te ǃxum cete coa te nǂhao. Wangari ǁ’a ha nǂoahan ǁhama Afrika wece. ǁA’ike ǃaihn sa o gǃaitsao nǃu’ubisi gǃa’ia Wangari ǁ’a ha ǁxara.
Wangari ǁkoa tca gǀaoh. Jusa ge nǃore nǃang wece ǃ’han ha tci oa, te ǀ’an ha ko nǀuma gǀaoha jan. Ka ǃ’aua ka ǀ’ae ko Nobel Peace Prize, te hahin koh dshaua o kxaice ko Afrika he kxae ka.
旺加里努力工作，引起了全世界的注意，人们授予她诺贝尔和平奖，她是非洲第一位获得这份殊荣的女性。
Wangari ǃaia 2011, Te tia mǃa ciniha ku ǂ’ang ha ko ǁ’ae wece sa mǃa se ǃaihn ǀ’hom sa ke.
