Liyuva limwe vasha vaSimbegwire ava huliliri kuya tika kumundi ene ngoli kapishi mo vyashwa kushoroka.”Kuni una kara monande?”ava yita. Simbegwire a duka a shamberere vashe. A yimana teghete opo a dimburulire ashi vashe kuna kwaterere livoko lyamukamali.”Nashana uya morore umwe washikoda, monande. Ghuye ndje Anita,”ava ghamba vavo kuno kuna kumenyamenya.
“Moro Simbegwire,vasho va ntantera vyavingi vyakuhamena kukoye,a ghamba Anita. Ene ngoli kapi a menyunine ndi nampiri ndi a kwate mukadona unya mulivoko. Vasha vaSimbagwire kwa kalire vana hafa. Ava timwitiri ngoli vyakuhamena kukwavo vatatu mukutunga kumwe, ntani weni omo ngali va wapa liparu.”Monande,na huguvara ashi ngaghu mutambura Anita ashi vanyoko,”ava ghamba vasha vaSimbegwire.
Munyima yamwedi tupu dadisheshu,vasha vaSimbegwire, ava va tantere ashi vavo ngava tunda mo tanko mumundi karugho kangandi.”Na kona kukara naruyendo rwakuvirughana vyande,” ava ghamba.”Ene ngoli ame navi yiva ashi ngamu kufera mbiri.” Simbegwire a negheda shipara sharuguvo ene ngoli vashe kapi vavi dimburulire. Anita uye pore yendi nankumbu shi. Naye kapi a hafire.
Vininke avi kumana mo ngoli mwamudona kwaSimbegwire. Nange kapi ana mana virughana ovyo vana mupa ndi a tape rushivano rwendi,Anita kumu toghona. Ntani pashirugho shamurarero,mugholikadi uno kalyanga shingi shandya,Simbegwire kumu shuvira po tupu tughu vhughunyunu twa ngandi. Kehe ghano matiku Simbegwire kaliranga a kushengawide a rare,okuno uye ana mamatere nguvo yavawina.
Simbegwire a guvu shiri ngudu. A tokora kutjwayuka mo mumundi. A upu mapapi ghanya ghanguvo yavawina,a rongere ko ndya dangandi,a tundu mo mumundi. A kwama shitavura osho va pitire vashe.
辛波薇亚伤心透了，她决定离家出走。她带着毯子的碎片，包了一些食物，沿着爸爸出差的路离开了家里。
Opo lya tokire liyuva,a rondo kushitondo shashire shapepi nashidiva makura a yara mukatji kadimutavi dashitondo shinya di kare cegca yendi. Kughuto wakurara a yimbi:”Yiina,yiina,yiina mwa ntjuva. Mwa ntjuva anwe nka kapi mwa kavyuka. Vavava kapi vana horo nka. Yina,shirugho munke ngamu ka vyuka. Mwa ntjuva.”
Mugholikadi uno a kenge kushitondo. Opo a monine mukadona namaruvambi ghanguvo yayiwa ngudu,a liri,”Simbegwire,mona mukurwande wamukafumu!”Vagholikadi vamweya navo ava shagheke kukusha makura ava vatere Simbegwire a gcumpuke kushitondo. Vawinaghona ava mumamatere ava shetekere ko kumu shengawida.
Vananeghona vaSimbegwire ava mutwara kumundi wavo. Opo vaka tikire kumundi vananeghona vendi ava kamu yumbura ndya dauyenyu,ava mufuku nakuyweka nguvo yavawina mumbete. Matiku ghanya Simbegwire a liri kuuto wakurara. Ene ngoli kwa kalire maruntjodi ghalipwiyumuko kwa navintje ovinya a monine kuuto wakutjwayuka mumundi. Avi yivire ashi vawinaghona ngava mupakera mbiri.
Vasha vaSimbegwire opo vaka vyukire kumundi, ava ya wana nkonda yendi yakurara muporongwa.”Vinke vya shoroko,Anita?” ava pura namutjima wakundundumana. Mugholikadi Anita a fwaturura ashi Simbegwire a tjwayuka mumundi.”Na shanine a mfumadeke,”a ghamba.”Nani ngoli nakalire nyanya naye.”Vasha vaSimbegwire ava tundu mumundi va pirukire kuruha rwashidiva. Ava katwikira kumukunda a kalire muunyavo wamukamali mukapulida nange vamu mona ko Simbegwire.
Simbegwire kwa danaukire navaviro vyendi opo a monine vashe vavo shimpe ure vana kuyendera vaye. A kara naghoma ashi walye kuvhura va kare ashi vana garapa,makura a dukiri mundjugho aka vande. Nampiri ndi ngoweyo vashe ava mushupura mundjugho makura ava ghamba ashi,”Simbegwire,waya wana nyokwa wakuwapera. Ogho a kuhoro ntani uye nka kukutegherera. Una hafita ntani nakuhora.” Ava kughu maghano ashi Simbegwire nga kare navawinaghona shirugho ntjosho a shanine mwene.
Vashe kava mudinguranga kehe liyuva. Va hana kuvi taterera,ava ya naAnita. A kwata livoko lyaSimbigwire. Ngupire po yaya,nakupukire,”a liri.”Kuvhura nka umpe ko mpito ni shetekere ko nka?”Simbegwire a kenge kushipara shavashe sha kaliro naruguvo.Makura a tampura mpadi kadidi-kadidi a yende kumeho makura aka mamata Anita.
Shivike shakukwama ko,Anita a rekere Simbegwire,navaviro vyendi kumwe navawinaghona,vaye kumundi mposhi vaya kare namuyusha. Ashi ndya kughungi!Anita kwa wapayikire marudi ghandya nadintje odo a hora Simbigwire ano navantje ava li nange dogoro ava kuta. Vanuke ava danauka okuno vakurona vavo kuna kutimwitira. Simbegwire a kara naruhafo a hana kuyuvha ghoma. A tokora ashi ntantani-ntantani nga vyuke kumundi wavo nga katunge kumwe navashe navawina vashitumbwena.
