夫思家姐係點樣講

一日朝頭早,夫思嘅嫲嫲叫佢過嚟就話:“夫思,你帶住呢隻雞蛋去你老竇老母嗰便啦!你家姐行婚禮,佢哋想幫佢做個大蛋糕。”

1

夫思帶住隻雞蛋出發,佢喺路上遇到咗兩個正喺度摘緊生果嘅男仔。其中之一個男仔捉到隻雞蛋,掟咗過去樖果樹嗰便,噉隻雞蛋咪就掟爛咗。

2

夫思叫咗出嚟:“你攪咩嘢呀?嗰隻雞蛋係攞嚟做蛋糕嘅,呢個蛋糕係送俾我家姐結婚嘅禮物。冇咗蛋糕,我家姐會點講呀?”

3

兩個男仔整蠱咗夫思覺得好對佢唔住。其中之一個男仔就話:“我哋冇辦法幫你做蛋糕,但係我哋呢度有條木棍,可以送俾你姐姐。”噉夫思就帶上咗條木棍,繼續上路。

4

夫思喺路上又碰到咗兩個起緊屋嘅工人。其中之一個工人就問佢:“我哋可唔可以借用吓你條木棍呀?”但係條木棍唔係好實淨,咪就斷咗啦。

5

夫思叫咗出嚟:“你攪咩嘢呀?條木棍係摘生果嘅人送俾我嘅,因為佢哋打爛咗攞嚟做蛋糕嘅雞蛋。嗰個蛋糕係送俾我家姐行婚禮嘅禮物。而家隻雞蛋都冇晒,個蛋糕都冇晒,份禮物都冇晒,噉我家姐會點講呀?”

6

起屋工人覺得好對唔住夫思,因為佢哋整斷咗佢條木棍。其中之一個工人就話:“我哋冇辦法幫住做蛋糕,但我呢度有啲茅草,可以送俾你姐姐。”噉夫思就帶上咗茅草,繼續上路。

7

喺路上,夫思遇到咗個農夫同佢隻奶牛。隻奶牛就話:“幾靚嘅茅草吖!我可唔可以試吓?”但係茅草太好味啦,奶牛一啖就全部都食晒啦!

8

夫思叫咗出嚟:“你攪咩嘢呀?嗰啲茅草係俾我家姐嘅禮物。起屋工人俾咗嗰啲茅草我,係因為佢哋整斷咗摘生果嘅人俾我嘅木棍。摘生果嘅人俾咗條木棍我,又係因為佢哋打爛咗攞嚟做蛋糕嘅雞蛋。隻蛋糕係俾我家姐行婚禮嘅禮物。而家隻雞蛋都冇晒,個蛋糕都冇晒,份禮物都冇晒,我家姐會點講呀?”

9

奶牛好對唔住,因為佢太過自私啦。農夫就決定俾奶牛跟住夫思行,作為送俾佢家姐嘅禮物。噉夫思就領住隻奶牛,繼續上路啦。

10

但係,到咗食晚飯嘅時候,隻奶牛走翻咗農場嘞,夫思亦都係途中蕩失路。佢好夜先至到家姐嘅婚禮度,嗰陣時啲客都已經喺度食緊飯囉。

11

夫思叫咗出嚟:“點算好呀?隻奶牛本來係農夫送俾我嘅禮物,因為奶牛食咗起屋工人俾我嘅茅草。起屋工人俾茅草我,係因為佢哋整斷咗摘生果嘅人俾我嘅木棍。摘生果嘅人俾咗條木棍我,係因為佢哋打爛咗攞嚟做蛋糕嘅雞蛋。嗰個蛋糕係俾我家姐行婚禮嘅禮物。而家隻雞蛋都冇晒,個蛋糕都冇晒,份禮物都冇晒。”

12

夫思嘅家姐諗咗一陣,就話:“夫思,我親愛嘅細佬,我唔志在有冇份禮物。我都唔介意有冇個蛋糕。我哋今日聚埋一齊,我就已經好開心啦。你快啲著埋飲衫,同我哋一齊慶祝啦!”噉佢家姐係點樣講,夫思咪就照做囉。

13

夫思家姐係點樣講

文: Nina Orange
圖: Wiehan de Jager
譯: dohliam
語言: 粵語

This story is brought to you by the Global African Storybook Project, an effort to translate the stories of the African Storybook Project into all the languages of the world.

You can view the original story on the ASP website here

Global ASP logo

Creative Commons License
This work is licensed under a Creative Commons Attribution 3.0 Unported License.